Премиерот Зоран Заев присуствува на Виенскиот економски форум. Покрај премиерот Заев, воведни обраќања имаа и д-р Томас Арнлоднер, извршен директор на А1 Телеком Австрија Групација и член на одборот на Виенскиот економски форум, како и Јоханес Хан, еврокомесарот за проширување и добрососедска политика.
Како што информираше Заев, еврокомесарот Хан на отворањето на Виенскиот економски форум истакна дека политичката стабилност на Северна Македонија е најдобра во регионот и ги охрабри компаниите од Република Австрија да инвестираат во нашата земја, што значи поголем профит и отворање на нови работни места.
