Револтирани битолчани предлагаат градоначалничката Наташа Петровска да се запише во Гинисовата книга на рекорди, за најбавна реконструкција на улица во градот на Конзулите.
– Градоначалничката на Битола, Наташа Петровска асфалтира улица од 500 метри веќе 2 години. Ние, граѓаните на Битола не знаме кога ќе се заврши со улицата, но мислиме дека ќе биде светски рекорд и вие треба да ја регистрирате нашата градоначалничка како носител на тој рекорд. Улицата е во центарот на градот – улица Климент Охридски. – напишаа битолчени во апликацијата.
Инаку незадоволството од работата на локалната власт, предводена од СДСМ, се потврдува и со анкета, спроведена неодамна од телевизија 24. Според анкетата дури и граѓаните од редовите на СДСМ се против Наташа Петровска.
Имено, во видеото се појавува и таткото на претседателот на ОО на СДСМ Битола, Методија Тасевски. Тој вели дека Петровска треба да си даде оставка.
– Да си даде оставка. Нема ништо направено во градов. – вели таткото на претседателот на СДСМ во Битола.
Граѓаните во анкетата велат дека Битола е уништена.
– Беспарица и уништена Битола, веќе ништо немаме во Битола. – вели една госпоѓа од испитаниците.
