Министерот за здравство, Венко Филипче, попладнево на својот Фејсбук профил, објави дека е завршена изведбата и поставувањето на модуларниот ковид–центар во Кичево.
-Тој е со површина од 700 метри квадратни и има капацитет од најмалку 45 болнички легла. Ова двојно зголемување на постојниот болнички капацитет е од исклучителна важност граѓаните. Сега можното оптоварување со ковид пациенти нема воопшто да го наруши нормалното обезбедување на здравствени услуги, напиша Филипче.
Завршена е изведбата и поставувањето на модуларниот ковид центар во Кичево. Тој е со површина од 700м2 и има капацитет…
Posted by Венко Филипче on Wednesday, January 13, 2021
Исто така, посочува министерот, почнува и изведбата на втората фаза на новата болничка зграда.
-Со ова, значително ги подобруваме условите за престој и медицински третман на пациентите, но и подобрување на условите за работа на здравствените работници. За неколку месеци, првпат ќе биде инсталиран и апарат за компјутерска томографија. Активно вложуваме во здравствената инфраструктура, затоа што јавното здравје е нашата заедничка одговорност, потенцира Филипче.
