Претседателот на ВМРО-ДПМНЕ Христијан Мицкоски вечерва гостување во емисијата „Отворено“ на Алфа телевизија.
Од Мицкоски беше побарано да го коментира писмото на поранешниот директор на УБК, Сашо Мијалков, а тој истакна дека единствен противник на граѓаните и на партијата е СДСМ на чело со Зоран Заев.
Мицкоски кажа дека писмото тоа не влијае на него и тој ќе продолжи да работи жестоко кон крајната цел пораз на ова како што вели одродена и криминална власт.
– Што се однесува до ова второ писмо кое што вие го кажавте. Исто така немам што да додадам ниту што да одземам. За мене таа работа е завршена книга. Се обидувам да отворам нова книга, за мене политички противник е одродената и криминална влада на СДСМ предводена од аболираниот политичар Зоран Заев и се разбирам останувам фокусиран јас и соработниците секој оној кој што сака да допринесе во борбата против овие луѓе е добредојден, вратите се отворени немаме никаква фрустрација кон никого, напротив. Така што немам никаква дилема кој е нашиот вистински противник и вистински противник на граѓаните на Република Македонија и македонската нација. Останатите можат да лиферуваат лажни информации, можат да кодошат, да шпекулираат, можат да брифираат вака или онака. Можат да пишуваат писмо, јас ќе работам, ќе продолжам да работам, ќе продолжам да работам жестоко па ќе видиме на крај каква судбина ќе имам. – порача Мицкоски.
