Новинарот Наум Стоилковски и доскорашниот потпреседател на подмладокот на УМС Димче Арсовски, на синоќешниот состанок на извршниот комитет на ВМРО-ДПМНЕ биле поставени за портпароли на партијата – дознава Лидер од неофицијални извори.
Според нашиот извор, ВМРО-ДПМНЕ со овие две кадровски решенија планира да изврши промена во пристапот во медиумите и да воведе нов принцип на работа.
Стоилковски до стапувањето на оваа функција беше долгогодишен новинар со значителен придонес во неделникот и порталот Република, а подоцна роботеше во Телевизија Нова, по што сега влегува во политика како гласноговорник на опозициската ВМРО-ДПМНЕ.
Арсовски од друга страна е кадар кој излегува од партискиот подмладок, има 26 години и до скоро беше потпретседател на подмладокот на партијата.
ВМРО-ДПМНЕ во последните години функционираше без портпарол, сега партијата поставува двајца.
Во текот на денот се очекува официјална потврда од партијата.
