Македонија 06. јуни 2020. / 14:12

Еден пациент почина и еден новозаболен во Прилеп

Еден пациент почина и еден новозаболен во Прилеп

Во Прилеп денеска е регистриран еден новозаболен од коронавирусот, а еден пациент на 73-годишна возраст почина. Две лица оздравеле од Ковид-19.

Бројот на активни случаи со Ковид-19 изнесува 29. Од нив, 21 лице се наоѓа на домашно лекување, тројца се хоспитализирани во инфективното одделение во градската болница „Борка Талески“, а петмина се на лекување во Клиниката за инфективни болести и во Градската општа болница „8-ми Септември“ во Скопје.

Во самоизолација се наоѓаат 42 лица. Поради неносење заштитни маски, на 18 граѓани им се изречени прекршочни пријави.