ДУИ очекува кампањата за предвремените парламентарни избори да биде фер, демократски и мирни, изјави денеска Арбр Адеми, член на највисокото раководство на партијата.
– Ние очекуваме фер, демократска и мирна изборна кампања и сме максимално фокусирани на следната победа на ДУИ. Секогаш кога ДУИ била на власт се организирани фер и демократски избори без инциденти и резултатите биле прифатливи за сите учесници во изборите – рече Адеми на прес-конференција во седиштето на партијата.
Според него, во ДУИ се уште се прават анализи за тоа кој се ќе се најде на листите за пратеници.
– Се прават длабоки анализи како и секогаш и партијата ќе ги предложи најдобрите кандидати кои на достоинствен начин ќе ги претставуваат Албанците – рече Адеми.
