Директор на истражниот затвор „Скопје“ Ѓоко Котевски потврди за МИА дека вчера до Владата ги доставил оставката и извештајот во врска со инцидентите во кои беа нападнати притворените поранешни министри, Спиро Ристовски и Миле Јанакиески.
Извештајот за инцитентот, како што рече, го доставил и до Министерството за правда и до Управата за извршување санкции
Котевски посочи дека првично биле покренати дисциплински постапки за 11 лица во затворот „Скопје“, кај кои биле утврдени пропусти во постапувањето и додаде дека оваа бројка не е конечна.
Јанакиески и Ристовски во средата беа приведени на распит по наредба на Јавното обвинителство под сомнение за вмешаност во настаните во Собранието на 27 април 2017 година.
Потоа, откако беа претепани од страна на осомничени за тероризам за „Диво Насеље“, Јанакиески беше пуштен во куќен притвор.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
