Министерот за надворешни работи, Никола Димитров, за првпат по недобивањето на датум се појави на Комисијата за Европски прашања.
Во своето излагање тој потсети на изјавата на Јункер дека одлуката е историска грешка на Европскиот совет, а истакна дека од ЕУ земјава добила признание за реформите и за постигнатото.
Според него, вината за тоа што не го добиме заслужениот датум треба да се бара и кај опозицијата која не го искористила моментот кога ЕУ била подготвена за проширување.
– Ги испуштивме возовите кога Европа беше спремна, тогаш градевме споменици, рече Димитров.
ВМРО-ДПМНЕ негодуваше на оваа изјава на министерот и ја напуштија седницата.
Димитров утре ќе говори и на комисијата за надворешни работи.
