Министерот за надворешни работи, Никола Димитров, преку Фејсбук се заблагодари на СДСМ и лидерот на партијата, Зоран Заев за честа да биде носител на листата во првата Изборна Единица. Тој посочи дека на овие избори, дресот на СДСМ не е само партиски дрес, туку дрес на иднината и надежта.
На овие избори, дресот на СДСМ и коалицијата не е само дрес на партија, туку е дресот на иднината и надежта, и покрај тоа што имавме и грешки; за на следните избори да имаме вистински мегдан и натпревар. Нашиот претстоен предизвик – реалната битка – е онаа за правда и еднакви можности. Му благодарам на СДСМ и на Зоран Заев за честа да бидам носител на Изборната единица 1. Ќе дадам се’ од себе за мојот народ, македонскиот народ, и за сите други наши сограѓани, Албанци, Турци, Срби, Власи, Бошњаци и Роми … за да ја средиме нашата заедничка куќа! Се’ од себе за да докажеме дека можеме и повеќе и подобро, напиша Димитров.
