Министерот за здравство, Наќе Чулев, најави дека министерствотоќе објавува информации за носители на јавни функции кои се можни сторители на кривични дела.
Чулев не прецизира за кои точно дела станува збор, ниту за за кои функционери, но посочи дека МВР има активности за откривање на сторители на кривични дела во областа на организираниот криминал и корупција.
Во однос на истрагите кои ги најавив, сакав да кажам дека во изминатиов период како МВР, покрај концентрацијата за спроведување на мерките на Владата за заштита на здравјето на граѓаните, МВР не ја изгуби откривачката функција, односно активностите во областа на откривање на сторители на кривични дела посебно во областа на организираниот криминал и корупцијата, па и во овој дел. Во наредниот период ќе објавуваме исто така и информации и за одредени носители на јавни функции за кои веќе има одредени добиени информации, а кои се можни сторители на кривични дела – изјави Чулев.
Министерот додаде дека во изминатиот период не сакал да ја оптоварува јавноста со овие информации, бидејќи, општеството било сконцентрирано кон спречување на ширењето на корона вирусот.
Со олабавување на мерките, мислам дека се отвора простор да ја информираме јавноста за оној друг аспект од работата на МВР, за да не се добие впечаток дека изминатите три месеци сме насочени само кон мерките за заштита од Ковид-19. Имавме сериозни предизвици во спречување на илегалната миграција – додаде Чулев.
