Македонскиот претседател, Стево Пендаровски, смета дека раздвојувањето на Северна Македонија од пакетот со Албанија, не е добро, но е единствен можен начин за добивање зелено светло за почеток на преговорите со ЕУ, изјави Пендаровски за Еуроактив во четвртокот. На што денеска жестоко реагираше албанскиот премиер, Еди Рама.
Претседателот Пендаровски имплицитно се залага за “одвојување од Албанија”? Чудно е да се слушне ова, особено кога се разгледува клучниот придонес на Албанија и Албанците во демократските случувања на нашиот пријателски сосед и европскиот пат. Не звучи добро, ниту искрено!, напиша Рама на Твитер.
President @SPendarovski implicitly favours “decoupling from Albania”? Strange to hear this, especially when one considers the key contribution of Albania&Albanians in our friendly neighbour’s state democratic developments&European path. Doesn’t sound right nor practical frankly!
— Edi Rama (@ediramaal) June 15, 2019
Најголем проблем е како да се изведе ова раздвојување. Во Албанија е сега хаос. Опозицијата ги напушти институциите. Што да кажеме ? Ние имавме позитивна препорака од Комисијата и претходно, а и порано сме биле одвоени од Албанија, изјавил Пендаровски за Еуроактив во четвртокот.
