За прв пат во Прилеп, пред ЦК „Марко Цепенков“ се одржа многу поинаков интерактивен концерт за деца насловен “Музичко другарување”.
Професионалните музичари ја побудија фантазијата кај децата низ музика и игра, за што на крајот го добија заслужениот аплауз.
Концертот „Музичко другарување“ имаше едукативен карактер со кој беа опфатени актуелни теми за чување на здравјето и бонтон однесувањето.
Целта на Триангл и на ЦК „Марко Цепенков“, за приближување на музиката и едуцирање на најмладите беше постигната благодарение на тимот – режисерот Десанка Глигоријевиќ, Симона Петровски (оперски пејач), Андреј Наунов (пијанист) и Јане Дунимаглоски (оперски пејач, гитара, мандолина).
Концертот беше извонредно конципиран согласно протоколите за лична заштита. Интеракцијата меѓу учесниците и најмладите од самото место на седење беше одлична.
