СВР Тетово поднесе кривична пријава против С.Ф. (18) од село Кондово, скопско, О.Р. (30) од село Матка, скопско и против О.Р. (18) од село Копаница, скопско, поради постоење основи на сомнение за сторено кривично дело „разбојничка кражба’’ и против З.И. (18) поради постоење основи на сомнение за сторено кривично деко „прикривање’’.
На 15.02. годинава околу 21 часот во бутик во трговски центар во Тетово прво, второ и трето пријавените одзеле текстилна стока и се дале во бегство. На излезот од трговскиот центар, вработен во агенција за обезбедување се обидел да ги спречи, но тие физички го нападнале и побегнале.
Во петокот, при претрес во домот на четвртопријавениот, била пронајдена текстилната стока која потекнува од кривичното дело, по што била вратена во бутикот.
