Тројца припадници од Армијата се полесно повредени во сообраќајна несреќа која се случила вчера во 20 часот на регионалниот пат Богданци-Гевгелија, поточно на место викано Лгот.
Автомобил „рекстон“, сопственост на МВР, управувано од полицискиот службеник Б.Ј. излетало од коловозот. Во возилото се превезувале и шест припадници на Армијата, кои биле на испомош во Полициската станица за граничен премин и граничен надзор „Богородица“, информира МВР.
Повредените лица биле пренесени во Јавната здравствена установа Гевгелија за укажување на лекарска помош. Извршен бил увид на местото на настанот од Јавен обвинител и увидна екипа од Полициската станица Гевгелија.
