Мафијашката власт на Заев нема ниту план, ниту стратегија да се справува со економските последици од економската криза, реагираат од ВМРО-ДПМНЕ, додадавајќи дека тоа што економијата падна за 12,7% за само три месеци, тоа што над 40 илјади лица останаа без работа, тоа што власта создаде една милијарда нов долг, не е доволно да се откажат од своите политики купи ден, помини.
Веќе три месеци поминаа од изборите, а тендерашката власт се уште нема понудено четврти пакет мерки за стопанството. Очигледно се подготвуваат со нови популистички исплати со цел да купат социјален мир уште еден месец, додека економијата се дави во проблеми. Дека освен голиот поткуп нема суштинска поддршка за фирмите говори тоа што според податоците изнесени во јавноста владата нема реализирано ниту 30 проценти од досегашните три сета на мерки, а сега се расфрла со најава за четврти сет на антикризни мерки, велат од ВМРО-ДПМНЕ.
Оттаму додаваат оти е очигледно дека криминалот и корупцијата на власта како што велат ги изела парите, а економијата и граѓаните ги оставила да тонат во сиромаштија.
