Зоран Заев по кој знае кој пат се слика на патни правци кои ги почна ВМРО-ДПМНЕ, а тој четврта година веќе не може да ги заврши, велат од ВМРО-ДПМНЕ откако денеска премиерот беше на увид во работата на градежните активности на експресниот пат Штип – Радовиш.
Патниот правец Штип – Радовиш е почнат во време на ВМРО-ДПМНЕ, а Заев никако да го заврши. Заев е среќен што затекна многу патни правци од ВМРО-ДПМНЕ, но за жал со години не може да ги доправи. Заев не е способен да почне ниту еден нов проект, велат од партијата.
Оттаму додаваат дека да беше ВМРО-ДПМНЕ на власт сите овие патни правци до сега ќе беа пуштени во употреба, а граѓаните ќе ги чувствуваат благодетите. Вака со Заев само слушаме ЌЕ.
„Четири години државата не е мрдната од мртва точка, а требаше да имаме 600 километри автопат, 550 километри магистрални патишта и 1200 километри локални патишта. Од тоа немаме ништо“, смета ВМРО-ДПМНЕ.
Поврзани вести
Ристова Димова: СДСМ малтретира вработени во јавниот сектор што мислат поинаку од власта
ВМРО-ДПМНЕ: Заев и СДСМ сакаат да стават рака врз наплатата на акцизата за тутун, лекови, пиво и вино
