Американскиот претседател Доналд Трамп во вторник на Твитер, ја нарече „коњско лице“ порноактерката Сторми Даниелс, која тврди дека со него била во врска.
Сојузниот суд во Лос Анџелес во понеделник ја отфрли тужбата за клевета која против претседателот ја поднесе Даниелс.
Судијата пресуди дека претседателскиот твит за кој Даниелс тврди дека е клеветнички, е претседателско право на слобода на говор загарантирано со првиот амандман во Уставот.
Задоволен од таквата пресуда, претседателот, на кој не му е туѓа употребата на зборови за потсмев за другите, се нафрли на Сторми.
„Сега можам да го нападнам „коњското лице“ и нејзиниот треторазреден адвокат“, напиша Трамп од Белата куќа.
“Federal Judge throws out Stormy Danials lawsuit versus Trump. Trump is entitled to full legal fees.” @FoxNews Great, now I can go after Horseface and her 3rd rate lawyer in the Great State of Texas. She will confirm the letter she signed! She knows nothing about me, a total con!
— Donald J. Trump (@realDonaldTrump) October 16, 2018
Таа веднаш му одговори на Twitter.
„Дами и господа, ви го претставувам вашиот претседател“, напиша таа и и потенцира дека уште еднаш покажал некомпетентност, омраза кон жените и неспособност да се контролира.
„Готово е малечок“, заклучува Даниелс, во очигледната алузија на својата неодамна објавена книга во која подробно ја опишува анатомијата на Трамп.
