Под влијание на студен и влажен бран денеска попладне, во текот на ноќта, како и во четврток ќе има врнежи од снег, кои ќе бидат пообилни во западните и јужните делови од земјава. Температурата ќе се движи од -8 до 9 степени.
Во Скопје слично време со температура од -5 до 6 степени.
Снежните врнежи ќе продолжат и утре. Ќе се формира снежна покривка од околу 10 сантиметри во западниот и јужниот дел од Македонија, а на планините ќе надмине над 20 сантиметри.
Наредните денови ќе биде променливо облачно и студено со многу ниски утрински температури и со слаби локални врнежи од снег.
Најсончево ќе биде во сабота. Поради ниските температури ќе има појава на голомразица.
