Бројот на загинати при уривањето на мостот во Џенова се искачи на 39, а бројот на повредени на 16. Потрагата под урнатините сè уште трае. Претходно беше објавено дека меѓу жртвите има три деца на возраст од 8, 12 и 13 години.
Надвозникот се урна вчера, при што десетина возила пропаднале низ пукнатините. Државното италијанско радио јави дека меѓу повредените е и една жена чија куќа се запалила откако над неа паднал дел од конструкцијата на мостот.
Мостот се урна во услови на силно невреме проследено со грмежи, а очевидци велат дека се урнал по удар на гром. Повеќе од 400 лица биле евакуирани поради стравувањата дека другите делови од мостот би можеле да паднат. Причината за катастрофата не е позната, но се поставуваат прашања за безбедноста на мостот кој е изграден во 60-тите години од минатиот век, а реконструиран во 2016 година.
