Универзитетот во Источна Турција започна со користење на крвна плазма за пасивно да ги имунизира пациентите заразени со новиот коронавирус, јави агенцијата Анадолија.
Третманот се изведува со земање плазма од пациент кој се опоравува од Ковид-19, и кој веќе е негативен за коронавирус.
– По првпат во Турција, Медицинскиот центар „Тургут Озал“ при Универзитетот зеде плазма од излечен пациент со Ковид-19, користејќи метод наречен плазмафереза и го примени на друг пациент, кој е во многу сериозна состојба во одделот за интензивна нега, објасни ректорот на универзитетот Иниону Ахмет Кизлај, во округот Малатија.
Целта, вели Кизлај, е пациентот во одделот за интензивна нега да прима антитела од пациент кој веќе оздравел. Овој метод претходно се користеше за лекување на САРС (тежок акутен респираторен синдром, исто така предизвикан од коронавирус) и ебола.
Лекарот ги повика пациентите третирани со коронавирус да го поддржат овој метод и да донираат плазма, објаснувајќи дека не претставува ризик за веќе излекуваните.
