Морнариците на Русија и на Сирија почнаа со заеднички вежби во Медитеранот, јавија руските медиуми.
Во вежбите ќе бидат руски бродови и авиони од воздухопловната база Хмеим, како и носачи на ракети и други воени бродови на сириската морнарица.
Командантот на вежбата, полковник Александар Јулдашев, соопшти дека маневрите ќе се одвиваат во заедничко опкружување и ќе вклучуваат различни тактички епизоди.
– Групите за безбедност и одбрана ќе вежбаат мерки на брегот за спречување напади врз објекти на базата Тартус – изјави Јулдашев.
Целта на вежбата е да се зголеми интероперабилноста помеѓу вооружените сили на Русија и Сирија и со тоа да се зголеми ефективноста на борбата против тероризмот.
