Демонстрантите против законот за „општа безбедност“ во Париз запалија филијала на „Банк де Франс“.
На ѕидот на зградата беше испишано и „А“ за „Анархија“. Запален е киоск на плоштадот. А се гледаат и демонстранти кои позираа со знак: „Не за полициската држава“.
Во исто време, префектурата на Твитер објави дека е опожарен и ресторан на плоштадот.
Неколку десетици илјади демонстранти маршираа меѓу плоштадот на Република и плоштадот на Бастилја денеска во Париз, изразувајќи незадоволство поради текстот на законот за „општа безбедност“ и неговата главна одредба, со што ќе се ограничи можноста за снимање на силите на редот.
Протестите исто така се и против полициското насилство и расизмот.
