Вкупниот број заболени од корона вирусот во Шпанија се искажи на 102.136 лица, велат податоците на Министерството за здравство. Со тоа, Шпанија стана третата држава во светот, по САД и Италија, во која се регистрирани над 100.000 заболени.
Притоа, заразата се уште не забавува, како во Италија. За последните 24 часа има 7.719 нови случаи, што сепак е помалку од претходните регистрирани повеќе од 9.000.
Бројот на починати за 24 часа одново е со црн рекорд и изнесува 849 лица. Ова е петти ден по ред со повеќе од 800 смртни случаи во државата, во која вкупниот број починати достигна 9.053 лица.
Бројот на лица, кои побарале хоспитализација е над 51.000 од кои 5.900 биле примени на одделенијата за интензивна нега. И во овој податок шпанските меиуми гледаат позитивен сигнал, зашто порастот на новопримените заболени е едвај 5%, наспроти двоцифрените вредности во последните денови.
Меѓутоа, брзо расте и бројот на излекувани пациенти, кој стигна до 22.600 лица. Тоа значи над 3.000 излекувани за 24 часа.
