Најмалку 73 лица загинаа во поплавите предизвикани од обилните монсунски дождови во јужната индиска држава Керала, а раселени се повеќе од 85.000 луѓе, изјавија официјални лица.
Меѓународниот аеродром Кочин, еден од најпрометните во Индија, е затворен до 20 август, бидејќи неговата писта е поплавена, објави Би-би-си.
Државната метеоролошка служба издаде „црвено предупредување” во Керала. Во тек е спасувачка операција, а федералната влада испрати дополнителни сили да им помогнат на локалните служби.
