Вирусолог од Оксфорд: Вакцинацијата против Ковид-19 би можело да почне уште во декември

Вирусологот од Оксфорд, Роб Ламкин Вилијамс, информира дека Велика Британија е во последната фаза од развојот вакцина против корона вирусот.

Тој за британските медиуми вели дека вакцинацијата би можела да почне уште во декември.

Во однос на тоа што е во тек е огромно клиничко испитување, групата во Оксфорд се надева, иако сè уште нема гаранции, дека првите вакцинации ќе започнат непосредно пред Божиќ. Вакцината веќе се произведува на повеќе локации во Европа и Америка и што е уште поважно, на Институтот Серум во Индија. „Значи, глобалното производство на вакцината е веќе во тек, што ќе се користи доколку клиничките испитувања се покажат успешни“, изјави Вилијамс.

Тој додаде во истражувањетодека се вклучени претежно здрави луѓе од сите возрасти.

Не можам да ви кажам точно кои се најстарите испитаници, но има некои од екстремно ризични групи. Јас сум астматичар и припаѓам на ризична група. Тоа е широка возрасна група од околу 10,000 луѓе, вклучена во оваа студија. Првиот бран се смирува. Вториот нè чека во септември, но излезе од контрола во Бразил, така што околу пет илјади луѓе во Бразил беа вклучени во студијата – изјави британскиот експерт.

Тој вели дека во моментов се произведуваат две милијарди вакцини, од кои половина милијарда во Индија.

Институтот за серум таму е високо акредитиран и годишно произведува огромни количини на вакцини против групи, кои, според Вилијамс, се дистрибуираат на глобално ниво.

Значи, не станува збор само за Велика Британија. Ова е глобално. „AstraZeneca“ е британска компанија, но има капацитети за производство низ целиот свет и сите работат на производство на вакцината – вели Вилијамс.