Непознат напаѓач земал како заложници вработени во обезбедувањето на казино во градот Бухолц, јавуваат германските медиуми.
Специјални единици на полицијата денеска беа распоредени околу казиното, а напаѓачот бил вооружен со секира. Кризата заврши по еден час откако напаѓачот бил уапсен, соопшти локалната полиција.
Покрај полицијата, на местото на настанот пристигнала и брза помош, која ги згрижила и другите вработени во казиното.
Други детали за нападот засега не се познати.
