Еден човек загинал, а осумдесетина се повредени кога во јужно Мексико се превртел камион полн со мигранти од Централна Америка, коишто патувале кон САД.
Во соопштението на полицијата од мексиканската сојузна држава Веракруз се наведува дека најголем дел од настраданите биле од Гватемала.
Првично не се познати причините за несреќата што се случила во близина на градот Сан Андреас Тукстла, на нешто повеќе од 500 километри од главниот град, Мексико сити.
⚫?
Vuelca camión con migrantes en Veracruz; hay al menos 20 heridosCamión tipo torton volcó en tramo carretero de #Veracruz, con un saldo de al menos 20 heridos, entre ellos, varios menores de edad
Lee la nota completa aquí: https://t.co/gWcdIKyB5g pic.twitter.com/6Kf4ExCVTo
— Diario de Chiapas (@DiarioChiapas) February 4, 2020
Хуманитарни организации одамна предупредуваат дека заострената миграциска политика на Мексико ќе ги доведе мигрантите во опасност, затоа што ќе ги принуди да бараат услуги на криумчари и да користат несигурни видови на транспорт.
Поради големиот американски притисок врз Мексико да го спречи мигрантскиот наплив кон САД, мексиканскиот претседател, Андрес Мануел Обрадор, ја овлсти Националната гарда да ги спречува мигрантите да се движат низ земјата на пат кон американска територија.
