(ВИДЕО) Турска телевизија објави пренесување на останките на Кашоги

Турска провладина телевизија објави видео снимка, на која се гледаат мажи како носат куфери, во кои веројатно се наоѓаат останките на саудискиот новинар Џамал Кашоги, во резиденцијата на генералниот конзулат на Саудиска Арабија во Истанбул.

New footage shows members of the Saudi hit squad carrying bags believed to contain journalist Jamal Khashoggi’s remains pic.twitter.com/lpqtiGJdDH

— TRT World (@trtworld) January 1, 2019

На снимката се гледаат мажи како внесуваат вкупно пет куфери преку главниот влез на резиденцијата, во близина на конзулатот, каде Кашоги беше убиен на почетокот на октомври минатата година.

Турски владин претставник изјави дека информацијата изгледа вистинита, без да наведува повеќе детали. Засега нема никакви коментари од саудиските власти.

Весникот „Сабах“ пишува дека куферите биле донесени во резиденцијата вчера со црн минибус во 15,09 часот по локално време.

#BREAKING : The First Video From Surveillance Cameras Showing Jamal Khashoggi’s Assassination Team Moves Bags To The Mohammed al-Otaibi Consul’s House In #Istanbul After It Was Cut. pic.twitter.com/EJvD73sJ3r

— ??????? ????? ?? (@SushmitKumar9) December 31, 2018

Новинарот Џамал Кашоги, кој беше жесток критичар на властите во Ријад, е убиен од саудиски агенти при негова посета на генералниот конзулат на Саудиска Арабија во Истанбул на 2 октомври. Неговите останки се уште не се пронајдени.