Шпанската полиција заплени рекордни 827.000 таблети екстази и уапси 11 лица.
Акцијата овозможи разбивање на „главната меѓународна криминална организација што стои зад развојот и дистрибуцијата на повеќето синтетички дроги што се користат во Шпанија“, се вели во заедничкото соопштение на Цивилната гарда и националната полиција.
Уапсени се единаесет лица, меѓу кои и првиот човек на мрежата, холандски државјанин, од нив осуммина се во притвор.
🚩Golpe al #narcotráfico con la mayor aprehensión de drogas sintéticas en la historia de #España. 11 detenidos.#Barcelona
➡️Intervenido⤵️
827.000 pastillas de MDMA
76 kilos de sulfato de anfetamina; 39,5 de cristal; 1,65 de cocaína rosa
217 litros de anfetamina
2.000 dosis de LSD pic.twitter.com/XvspnzOhkj— Policía Nacional (@policia) January 8, 2021
Покрај екстази, запленети се и други видови синтетички дроги како што се спид или кристали, како и 400 килограми хашиш и марихуана што мрежата ги продавала во Холандија за да финансира купување на неопходни супстанции за производство на синтетички дроги.
Седиштето на организацијата, чии членови се од Холандија, Шпанија, Романија, Колумбија и Италија, се наоѓаше во Барселона, а произведуваше дрога во Малага и на Ибица.
Шпанија се смета за една од главните точки за влез на дрога во Европа и најчесто кокаин или канабис.
