Демонстранти упаднаа во претседателската палата на долгогодишниот претседател на Боливија, Ево Моралес. Ограбено е тоа што е вредно, поросториите демолирани, а за тоа сведочат видео снимките од љубопитните демонстранти кои со мобилните телефони ја „ловеа“ сцената.
Сето ова се случи откако синоќа претседателот на Боливија, Ево Моралес, соопшти дека поднесува оставка, со цел да обезбеди мир во земјата. Тој повика на итни разговори со опозицијата поради немирите во земјата кои избија по неговиот спорен реизбор на 20 октомври.
The squalid US-backed fanatics of the Bolivian right ransack the house of the country’s elected president, Evo Morales. And the havoc is just beginning. Let no one call them “pro-democracy.” pic.twitter.com/rwwvOSAEaA
— Max Blumenthal (@MaxBlumenthal) November 11, 2019
Денеска и потпретседателот на Боливија, Алваро Гарсија Линера, поднесе оставка, пренесуваат светските агенции.
Актуелната ситуација во Боливија Моралес ја нарече државен удар.
-Браќа и сестри, сакам да ви кажам дека со ова нашата борба не завршува, ќе продолжиме да се бориме за еднаквост и мир. Сега моја должност, како претседател, е да најдам начин да ја смирам ситуацијата, рече Моралес.
Претходно командантот на вооружените сили на Боливија, Вилијам Калиман, изјави дека војската му сугерирала на претседателот Моралес да поднесе оставка, за да помогне да се обезбеди стабилност во државата, а тоа го побарале и опозицијата и синдикатите.
Поврзани вести
(ВОЗНЕМИРУВАЧКО ВИДЕО) Најмалку 7 мртви студенти при пад на заштитна ограда во универзитет во Боливија
(ВИДЕО) Холандија во пламен: Демолирани полициски возила и маркети, воведен полициски час за првпат по Втората светска војна
