Поплавите кои ја зафатија Шпанија проследени со огромни количини дожд за кратко време однесоа еден живот.
Како што пренесуваат медиумите, на североистокот на земјата пронајдено е тело на маж на плажата Аренјес де Мар неколку часа откако е пријавен за исчезнат.
Во незапаметените поплави за исчезнати се вода уште четири лица. Меѓу нив се жена и нејзиниот син кои престојувале во монтажна куќа во Вилаверду, место недалеку од Барселона.
Quina barbaritat!!! #llevantada #meteo #324eltemps https://t.co/R5z5SZocLf
— Àlex Van der Laan (@alexmegapc) October 22, 2019
Поплавите, како што пренесува БиБиСи, уништиле згради и оставиле 24 илјади домови без струја. Пожарникарите интервенирале две илјади пати, а евакуирале 42 лица од срушените згради.
Ова е втора кобна поплава во Шпанија за еден месец. Поплавата во септември го одзеде животот на брат и сестра, возрасни 61 и 51 година, кои беа пронајдени мртви во превртен автомобил кој го однела водата.
