Шест чувари вработени во затворот во близина на Сан Диего во американската сојузна држава Калифорнија, биле примени во болница поради повреди здобиени во напад извршен врз нив од група затвореници.
Според изјавата на надлежните, повредите со кои се здобиле стражарите во таа пригода вклучуваат убодни рани, исекотини и можни фрактури на коските.
Според АП, инцидентот се случил на затворското игралиште за рекреативни активности, а стражарите биле нападнати од страна на дваесетте затвореници кои биле таму, така можело да се воспостави ред само со пукање во воздухот како предупредување.
Неодреден број затвореници се повредени во немирите за време на инцидентот.
Во тек е внатрешна истрага за случајот, а приведените за кои се утврди дека учествувале во нападот врз чуварите може да бидат обвинети за обид за убиство на полицајци.
