Британскиот премиер најави дека наскоро во земјата ќе започнат да работат 24-часовни центри за вакцинација за да можат што повеќе луѓе да се вакцинираат против ковид-19.
Mинистерот за здравство Мет Хенкок ќе ги претстави плановите „во догледно време“. Моментално има одложување поради ограничената набавка со вакцини.
„Ќе одиме 24/7 што е можно побрзо. Во моментов ограничена ни е количината, имаме голема мрежа – 233 болници, 1.000 ординации од општа пракса, 200 аптеки и 50 центри за масовна вакцинација и тие работат… екстремно брзо“, рече премиерот во парламентот.
Британската влада соопшти дека планира до 15 февруари да понуди опции за вакцинација на штитениците во домовите за стари лица, лицата постари од 80 години и здравствените работници.
Не е наведено колку вакцини се планирани, но, според извештајот на Лондонското училиште за хигиена и тропска медицина, 2 милиони луѓе треба да ја примаат вакцината секоја недела, со националните блокади во јануари за да се спречи одделите за интензивна нега во болниците во иднина да бидат преоптоварени.
Според последните владини податоци, во Велика Британија досега се вакцинирани вкупно 2,4 милиони луѓе.
Најавата на Џонсон доаѓа во време кога шкотската премиерка Никола Стурџон најави дека од сабота во Шкотска ќе стапат на сила построгите мерки.
