Непознати лица украле 50.000 маски за лице од магацин за медицински материјали и заштитна опрема во германскиот град Келн.
Кражбата била забележана вчера утрото од еден од вработените.
– Ова е еден сосема нов тип на кражба. Обично се крадат скапи предмети, но сега и за заштитни маски очигледно постои добар пазар. Не би требало да има проблем со обезбедувањето маски за лице поради грабежот, изјави портпаролката на градските болници.
Градскиот кризен тим им нареди на сите болници во Келн да проверат со каква заштитна опрема располагаат и подобро да се заштитат од потенцијалните кражби.
