Вкупно 42 новинари и медиумски работници биле убиени годинава, објави Меѓународната федерација на новинари по повод Меѓународниот ден на човековите права – 10 декември.
Во документот насловен „Бела книга за новинарството во светот“ се наведува дека најмалку 235 новинари и медиумски работници во моментов се во затвор.
Според податоците објавени на веб-страницата на Меѓународната федерација на новинари , во последните три децении убиени се 2.658 новинари ширум светот.
Најмногу новинари годинава се убиени во Мексико – 13, со што земјата четврти пат е на врвот на списокот. На второ место е Пакистан, со пет убиства, додека во Авганистан, Индија, Ирак и Нигерија годинава се убиени по тројца новинари.
