Турција ги повика САД да ја запрат поддршката за курдската милиција во северна Сирија.
– САД мора да го исполнат нашето барање и да ја запрат соработката со курдските cили за заштита на народот – рече турскиот министер за надворешни работи Мевљут Чавушоглу пред новинарите во Анкара.
Неговата изјава уследи по состанокот на американските претставници за одбрана со нивните колеги во Анкра во обид да се создаде „безбедносна зона“ во северна Сирија која ќе ги оддалечи курдските борци од турската граница.
Вашингтон ги поддржува курдските милиции, кои и се главен сојузник во борбата против терористите од т.н. Исламска држава во Сирија. Сепак, Анкара ги смета курдските борци за терористи и ги изедначува со ПКК, која води вооружена борба против Турција во последните 35 години.
– Не можеме вечно да бидеме трпеливи. Во еден момент, нашето трпение ќе заврши – изјави вчера турскиот претседател Реџеп Ердоган.
Тој ја повтори својата закана, изречена пред 18 месеци, за започнување вооружена офанзива источно од реката Еуфрат против курдските народни одбранбени сили.
Тој истакна дека за акцијата се веќе информирани САД и Русија.
