Американскиот претседател Доналд Трамп воведе нова група мерки како би се спречило ширењето на корона вирусот, меѓу кои и избегнување на собир на групи поголеми од 10 лица и избегнување на посетата на ресторани, барови и трговски центри.
– Доколку се чувствувате болни, останете дома, не одите на училиште. Доколку се вашите деца болни, не ги испраќајте во училиште, една е од новите мерки кои ги воведе Белата куќа.
Трамп ги советуваше американските граѓаните доколку некој од нивното семејство заболел од корона вирус, сите членови на семејствотвото да останат дома.
И постатите лица, се додава, би требало да останат во домовите и да избегнуваат контакт со луѓе. Истата препорака важи и за луѓето кои имаат здравствени проблеми.
На американските ученици од училиштата и факултетите им се препорачува, кога и да се во можност, да работат од дома. Граѓаните се советуваат да ги одбегнуваат рестораните и баровите, а во замена да ги користат услугите за достава на храна или рестораните кои се „на поминување“.
Американците се советуваат и да водат повеќе сметка за личната хигиена и да избегнуваат да ги посетуваат здравствените установи доколку немаат итна потреба.
