Откако изборниот колеџ ја потврди победата на демократскиот кандидат Џо Бајден на претседателските избори во САД, американскиот државен обвинител Вилијам Бар најави дека ќе се повлече од својата функција во следната недела.
Бар, кој не ги поддржа тврдењата на претседателот Доналд Трамп дека има широко распространета измама на изборите на 3-ти ноември, рече дека ќе ја напушти таа позиција на 23-ти декември.
Трамп на Твитер објави дека нов вршител на должноста државен обвинител ќе биде поранешниот заменик на Бар, Џеф Росен.
Just had a very nice meeting with Attorney General Bill Barr at the White House. Our relationship has been a very good one, he has done an outstanding job! As per letter, Bill will be leaving just before Christmas to spend the holidays with his family…
— Donald J. Trump (@realDonaldTrump) December 14, 2020
-Имав многу пријатна средба со јавниот обвинител Бар во Белата куќа. Нашите односи беа многу добри, тој заврши извонредна работа!, наведе Трамп, додавајќи дека Бар ќе ја напушти функцијата пред Божик.
Бар изненади многумина кога во интервју за АП, објавено на 1-ви декември, ја оспори идејата за Трамп и неговиот изборен штаб дека има широко распространета измама на изборите оваа година во САД.
