Американскиот претседател Доналд Трамп упати уште едно предупредување до ЕУ, заканувајќи се дека ќе ги удри трговците на блокот со 20 отсто даночни давачки, освен ако не се укинат трговските бариери за американските корпорации.
Предупредувањето доаѓа два дена откако американскиот секретар за трговија Вилбур Рос рече дека Белата куќа не донела никаква одлука за тоа дали да се прошират царините што неодамна беа воведени на други европски стоки.
Based on the Tariffs and Trade Barriers long placed on the U.S. and it great companies and workers by the European Union, if these Tariffs and Barriers are not soon broken down and removed, we will be placing a 20% Tariff on all of their cars coming into the U.S. Build them here!
— Donald J. Trump (@realDonaldTrump) June 22, 2018
Твитот на американскиот претседател ги повлече надолу акциите на европските производители на автомобили БМВ, Фолксваген, Фиат Крајслер и Мерцедес. Акциите на американските компании за автомобили Форд и Џенерал Моторс, исто така, паднаа по заканата, но оттогаш се вратија на старото ниво.
Царината од 20 проценти е малку пониска од онаа што претседателот на САД вети дека ќе им ја наметне на странските производители на автомобили претходно оваа година. Во мај Белата куќа наводно размислуваше за данок од 25 отсто за автомобилите увезени од Канада, Јапонија, Мексико, Германија и Јужна Кореја.
