–Сите знаеме зошто Џо Бајден брза лажно да позира како победник и зошто неговите медиумски сојузници толку многу се обидуваат да му помогнат: тие не сакаат да се открие вистината. Едноставен факт е дека овие избори се далеку од завршени, рече Трамп.
Едноставниот факт е дека овие избори завршија, вели Гардијан. Конечните гласови ќе продолжат да се бројат во десетици држави, но во овој момент нема начин Трамп да се врати во претседателската трка.
–Почнувајќи од понеделник, нашата кампања ќе почне да го тера нашиот случај пред судот за да се обезбеди целосно почитување на изборните закони и прогласување на вистинскиот победник, рече Трамп.
Тимот за реизбор на претседателот неделава поднесе тужби во повеќе колебливи држави, но неколку од нив се веќе отфрлени, а тимот на Бајден ги отфрли како „невредни“.
Вреди да се напомене, вели Гардијан, дека Трамп не мора да го признае поразот, иако тоа се смета за симбол на мирниот трансфер на власта. Факт е дека Бајден ги има електорските гласови што му требаа за да ја освои Белата куќа и тој ќе положи заклетва за претседател во јануари.
