Американскиот претседател Доналд Трамп им нареди на трупите на Националната гарда да почнат да се повлекуваат од главниот град, затоа што, како што оцени, сега се е под совршена контрола.
Владата на дистриктот Колумбија минатата недела побара од Гардата да и помогне на полицијата да ги смири протестите по смртта на Џорџ Флојд. Тогаш Трамп нареди илјадници припадници на Гардата и федералните безбедносни сили да бидат на улиците на Вашингтон по одделни случаи на грабеж и насилство.
Градоначалничката на Вашингтон, Мјуриел Баузер минатата недела го повика Трамп да ги повлече припадниците на Националната гарда кои некои држави ги испратија во главниот град.
Трамп на својот профил на „Твитер“ денеска напиша дека трупите на Националната гарда ќе заминат дома, но оти можат и да се вратат доколку е потребно.
I have just given an order for our National Guard to start the process of withdrawing from Washington, D.C., now that everything is under perfect control. They will be going home, but can quickly return, if needed. Far fewer protesters showed up last night than anticipated!
— Donald J. Trump (@realDonaldTrump) June 7, 2020
