Претседателот на САД, Доналд Трамп првпат најави дека се разгледува можноста за одложување на претседателските избори во ноември, наведувајќи ги ризиците од измама поврзана со гласање по пошта поради епидемијата на корона вирусот.
Трамп на Твитер напиша дека „гласањето по пошта … во 2020 година ќе биде најнеточно и со најголема измама во историјата“.
Ќе биде голем срам за САД. Одложување на изборите се додека луѓето не можат да гласаат нормално и безбедно ??? – порача Трамп.
With Universal Mail-In Voting (not Absentee Voting, which is good), 2020 will be the most INACCURATE & FRAUDULENT Election in history. It will be a great embarrassment to the USA. Delay the Election until people can properly, securely and safely vote???
— Donald J. Trump (@realDonaldTrump) July 30, 2020
Според американски медиуми, нема докази за широко распространета измама со гласање по пошта.
Датумите на федералните избори ги одредува Конгресот, а Уставот не предвидува одложување до инаугурацијата на претседателот на 20 јануари 2021 година.
