Денеска се гласа во американската држава Џорџија, каде што се одлучува за мнозинството во Сенатот каде рекордни три милиони Американци учествуваа во предвремено гласање.
Актуелниот претседател Доналд Трамп, на својот Твитер профил веќе обвини дека машините кои според него се заслужни за крадење на гласовите од него и префрлање на неговиот противкандидат, денеска не функционираат во Џорџија.
Извештаи стигнуваат од 12-от Конгресен округ на Џорџија, дека машините на Доминион не работат во одредени републикански упоришта повеќе од еден час. Гласачките ливчиња се оставаат во заклучните кутии, се надевам дека ќе ги пребројат, напиша Трамп на својот Твитер профил.
Reports are coming out of the 12th Congressional District of Georgia that Dominion Machines are not working in certain Republican Strongholds for over an hour. Ballots are being left in lock boxes, hopefully they count them. Thank you Congressman @RickAllen!
— Donald J. Trump (@realDonaldTrump) January 5, 2021
Републиканските сенатори Дејвид Пердју и Кели Лофлер ќе се борат да ги задржат местата против демократите Џон Ософ и Рафаел Варнок. Доколку републиканците освојат едно или двете места, тие ќе го задржат мнозинството во американскиот Сенат, и ќе може да блокираат законодавни иницијативи на Џо Бајден.
Доколку демократите ги освојат двете места, ќе биде поделено на 50 – 50 места во Сенатот, но новоизбраната потпретседателка Камала Харис ќе може да интервенира со нејзиниот глас во корист на демократите.
