Американскиот претседател Доналд Трамп денеска му се закани на Иран дека ќе ја смета земјата за одговорна ако во Ирак загине и еден Американец.
Трамп на Твитер потсети дека американската Амбасада во Багдад била погодена од неколку ракети.
– Три ракети не беа лансирани. Погодете од каде се: од Иран. Сега слушаме приказни кои кружат за нови напади врз Американци во Ирак. Имам еден здрав, пријателски совет за Иран: Ако еден Американец настрада, ќе го сметам Иран за одговорен. Размислете за тоа, напиша Трамп.
Our embassy in Baghdad got hit Sunday by several rockets. Three rockets failed to launch. Guess where they were from: IRAN. Now we hear chatter of additional attacks against Americans in Iraq… pic.twitter.com/0OCL6IFp5M
— Donald J. Trump (@realDonaldTrump) December 23, 2020
Кон Зелената зона во ирачкиот главен град, каде што се наоѓа и американската Амбасада, во неделата беа истрелани осум ракети. Притоа загина еден ирачки цивил, а државниот секретар Мајк Помпео за нападот обвини проиранска шиитска група.
