Американскиот и турскиот претседател Доналд Трамп и Реџеп Таип Ердоган телефонски разговараа за ситуацијата во Сирија и Либија, соопшти портпаролот на Белата куќа.
– Двајцата лидери разговараа за тоа како може да се елиминира надворешното мешање и да се одржи прекинот на огнот во Либија. Тие се согласија дека насилството во Идлиб во Сирија мора да престане, напиша Џад Дир на Твитер.
Today, @realDonaldTrump spoke with President Recep Tayyip Erdogan of Turkey. The two leaders discussed the need to eliminate foreign interference and maintain the ceasefire in Libya. The leaders agreed that the violence being carried out in Idlib, Syria must stop.
— Judd Deere (@JuddPDeere45) January 28, 2020
Според агенцијата Анадолија, Трамп му изразил сочувство на Ердоган и за земјотресот што ја погоди источна Турција во петокот. Бројот на загинати лица во земјотресот, што со јачина од 6,8 степени го погоди источниот турски град Елазиг, изнесува 41, а повеќе од илјада лица се повредени.
