Претседателот на САД, Доналд Трамп, остро го критикуваше поранешниот советник за национална безбедност Џон Болтон, велејќи дека ако го слушал, „шеста светска војна“ ќе избувнела до сега.
„Ако го слушав, ќе имавме шеста светска војна досега“, напиша Трамп на Твитер.
Тој додаде дека Болтон направил голем број пропусти за време на своето време како советник за национална безбедност.
„Му дадов работа и покрај тоа што многумина ми велеа дека не е за таа позиција“, додаде американскиот претседател.
Тој исто така рече дека му е чуден начинот на кој Болтон ја напушти функцијата и дека веднаш почнал со пишување на„одвратна и неточна книга“.
