Американските војници го убија и лицето кое најверојатно ќе го наследеше Абу Бакр ал-Багдади како лидер на Исламската држава, изјави американскиот претседател Доналд Трамп.
Штотуку е потврдено дека американските војници ја убија првата замена на Абу Бакр ал-Багдади. Тој најверојатно ќе го заземеше првото место. Сега и тој е мртов!, напишаТрамп на Твитер.
Just confirmed that Abu Bakr al-Baghdadi’s number one replacement has been terminated by American troops. Most likely would have taken the top spot – Now he is also Dead!
— Donald J. Trump (@realDonaldTrump) October 29, 2019
Трамп не прецизираше на кого мисли, но Соединетите Американски Држави во понеделникот потврдија дека е убиен портпарол на Исламската држава, Абу ал-Хасан ал-Мухаџир, кој е сметан за втор човек на таа екстремистичка организација, пренесе Ројтерс.
Курдските сили во Сирија во неделата објавија дека Мухаџир е убиен во заедничка акција на курдските и американските трупи во северна Сирија и дека е ликвидиран во продолжението на операцијата во која претходно загина лидерот на Исламската држава, Абу Бакр ал-Багдади.
Курдските сили соопштија дека Мухаџир бил „десна рака“ на лидерот на Исламската држава, Багдади.
