Денеска во Вашингтон ќе се одржат разговорите на високо ниво кои би требале да ги усогласат деталите за вториот самит Доналд Трамп – Ким Јонг Ун, пренесуваат официјални претставници.
Како што наведуваат двајца високи американски претставници се очекува средба на американскиот државен секретар Мајк Помпео со шефот на разузнавачката служба на Северна Кореја Ким Јонг Чол во еден хотел во Вашингтон. По оваа средба се претпоставува дека Ким Јонг Чол би можел да ја посети и белата куќа и да оствари средба со американскиот претседател Доналд Трамп, пренесува АП.
Иако ниту САД ниту Северна Кореја на го потврдуваат овој таен состанок, агенциите пренесуваат дека Ким Јонг Чол синоќа во Пекинг се качил на авион за Вашингтон.
Инаку, првата средба меѓу претседателите Трамп и Ким Јонг Ун се одржа минатата година во Сингапур, на која беше договорена де нуклеаризицијата на Корејскиот полуостров.
