Многу повеќе помлади луѓе имаат потешка форма или умираат од корона вирусот, предупреди Светската здравствена организација.
Експертите на СЗО се обидуваат да откријат зошто се повеќе здрави пациенти, кои претходно немале никакво хронично заболување, се наоѓаат во одделите за интензивна нега со тешки форми на заразата.
– Се уште има многу непознати во моментот. Општо, повеќето од пациентите, кои имаат тешка форма на Ковид-19 и се примени на интензивна нега, се повозрасни лица и обично имаат една или повеќе хронични болести. Сепак, она што се забележува во некои земји е дека пациентите на 30, 40 и 50 годишна возраст многу често завршуваат во оддел за интензивна нега, а случаите се повеќе завршуваат со смрт повеќе завршуваат со смрт – изјави експертот на СЗО, доктор Марија Ван Керхове на прес-конференција во Женева.
Изјавата на експертите од СЗО доаѓа во момент кога 13-годишно момче без никакви претходни здравствени проблеми, почина од Ковид-19 во лондонска болница во понеделникот. Во Кореја еден од шест смртни случаи како последица од корона вирусот, се меѓу луѓе на возраст под 60 години, покажуваат статистичките податоци на СЗО.
Во Италија околу 10 до 15 отсто од луѓето, кои починале по интензивно лекувае в болница, биле на возраст под 50 години.
Минатата недела во Велика Британија почина 21-годишна девојка заразена со корона вирусот без да има претходно какви било здравствени проблеми.
